Tónlistarfélagið Ellý
Tónlistarfélagið Ellý skipuleggur Tónleikaröð Ellýjar en markmið félagsins er að standa fyrir reglulegum tónlistaruppákomum í Reykjanesbæ með aðaláherslu á innlenda djasstónlist.
Tónlistarfélagið Ellý er óhagnaðardrifið áhugafélag. Að baki félaginu stendur hópur áhugafólks um lifandi tónlist með þau sameiginlegu markmið …
… að efla tónlistar- og menningarlíf Reykjanesbæjar og Suðurnesja með reglulegu tónleikahaldi.
… að vera hvetjandi vettvangur fyrir tónlistarnemendur og annað tónlistarfólk með því að bjóða upp á lifandi tónlist með innlendu (og hugsanlega erlendu) tónlistarfólki.
… að ná til fjölbreytts hóps og auka aðgengi íbúa Suðurnesja að tónlist óháð efnahag.
Tónleikaröð Ellýjar er styrkt af Uppbyggingarsjóði Suðurnesja, Menningarsjóði Reykjanesbæjar, Reykjanesapóteki, HS Orku og Samkaup í samstarfi við Tónlistarskóla Reykjanesbæjar, Bókasafn Reykjanesbæjar og Hljómahöll.
